ဘာသာပြောင်းတော့မလို့ပါ

နှင်းတွေ ခဲနေတတ်သော မြို့လေးတစ်မြို့။ တိတ်ဆိတ်သော ဆင်ခြေဖုံးမှာ လူငယ်တစ်ယောက်။ ဖွားလျားကျနေသောဆံပင်များက ကုတ်ပိုးအထိ ၀ဲကျနေသည်။ ဤနေ့ဤရက်သည် သူ့အတွက် ရှုပ်ထွေးပွေလီနေသည်ဟု ခံစားခဲ့ရသော နေ့ရက်တို့ကို လွတ်မြောက်ခဲ့လေသည်။ ဆင်ဖြေဖုံးလေးမှတစ်ဆင့် ဘာရယ်မဟုတ် တောတန်းလေးဘက်သို့ လမ်းလျှောက်နေမိခဲ့သည်။ ရည်ရွယ်ချက်က ထူးခြားမှုမရှိ၊ အပျင်းပြေလမ်းလျှောက်ခြင်းမျှသာ။ “သေသောသူ ကြာရင်မေ့”ဆိုသလို စွန့်ခွာမိသောဘာသာတရားကိုရော မေ့လိုက်တတ်ကြသလား။ မဝေခွဲတတ်ပါ။ ဘာပဲဖြစ်ဖြစ် သူကတော့ ဘာသာပြောင်းတော့မည်ဟု ယတိပြတ်ဆုံးဖြတ်ပြီး ဖြစ်လေသည်။

တောစပ်လေးရောက်တော့ တဲလေးတစ်လုံးဟု ယူဆရသည့်နေရာကို မြင်လိုက်ရသည်။ တဲလေးက ၀ါးထရံတွေနှင့်၊ တိုင်ကလည်း ၀ါးလုံးတိုင်လေးလုံးမျှသာ။ အမိုးက ထန်းရွက်တွေနှင့်။ တဲလေး၏ရှေ့မှာ စဉ်းအုံးလေးတစ်လုံး၊ ရေအိုးလေးဖြစ်ပုံရသည်။ တဲလေး၏ပတ်ပတ်လည် သုံးပေခန့်သာ မြတ်ပေါင်းပင်များကို ရှင်းလင်းထားသည်။ လယ်ယာလုပ်မည့်သူများနေဖို့ ဆောက်ထားသည်ဟု မထင်ရ၊ အမြဲနေသည့်တဲလေးတစ်လုံးဟု လူရွယ်ယူဆမိလိုက်ခဲ့သည်။ အနားသို့ ချဉ်းကပ်ကြည့်သောအခါ အထဲတွင် တစ်ယောက်ယောက်ရှိသည်ကို သိခဲ့ရသည်။

လူငယ် တဲလေးရှေ့ ရောက်သည်နှင့် အထဲမှ ချောင်းဟန့်သံတစ်ချက်ကြားရသည်။ ခဏကြာတော့ ထွက်လာသည်။ “အော်….ဘုန်းကြီးတစ်ပါးပါလား” လူရွယ်အံ့အားသင့်သွားသည်။ “အတော်ပဲ ငါမေးချင်တာ မေးပစ်လိုက်မယ်”ဟု စိတ်ထဲမှာ ကြုံးဝါးလိုက်မိသည်။ လူငယ်က ကျောင်းထဲသို့ ၀င်ခွင့်ပြုဖို့၊ စကားအနည်းငယ်ပြောခွင့်ပြုဖို့ ပြောသောအခါ ဘုန်းကြီးက ကျောင်းနဘေး သစ်ပင်ကြီးအောက်သို့ ညွှန်သဖြင့် သစ်ပင်ကြီးအောက် ရောက်သွားခဲ့သည်။

လူငယ်က ပြိုင်ပွဲဝင်ဖို့ အသင့်ဖြစ်နေတဲ့ မြင်းကောင်းမြင်းလှကြီးတစ်ကောင်လို တက်ကြွလန်းဆန်းနေသည်။ ဘုန်းကြီးက အနေကထိုင်လေးကို အသာအယာခင်းလိုက်သည်။ ပြီး အေးဆေးစွာဖြင့် ၀င်ထိုင်လိုက်သည်။ ကျောင်းထဲက ထွက်သောအခါမှစပြီး နေရာပြင်နေသည်အထိ လူငယ်ကို တစ်ချက်ကလေးမှ စောင်းငဲ့မကြည့်။ နေရာခင်းပြီးသောအခါမှသာ လူရွယ်ကို မျက်နှာချင်းဆိုင်လိုက်သည်။ ထိုအကြည့်ထဲတွင် “ကဲ ဘာပြောချင်သလဲ”ဟု ဆိုသည့်သဘောပါ ပါနေသည်ဟု ခံစားမိလိုက်သည်။
“ဘာသာပြောင်းတော့မလို့ပါ”ဟု တုံးတုံးတိတိပဲ ပြောလိုက်သည်။

“အေး…အဲဒါ ဘာဖြစ်လဲ၊ ငါက ဘာပြောရမလဲ” အေးအေးဆေးဆေးပဲ ပြောသည်။ လူရွယ်အံ့အားသင့်သလို ဖြစ်သွားသည်။ ဘာသာတစ်ခုက ဘာသာတစ်ခုကို ပြောင်းတော့မည်ဆိုလျှင် ဘုန်းကြီးတွေက တုန်လှုပ်တတ်ကြသည်ကို တွေ့ဖူးသည်။ “ဒီဘုန်းကြီးက ဘယ်လိုပါလိမ့်”ဟု တွေးနေသည်။

“အဲဒါ ဘုန်းကြီးကို မထင်မှတ်ဘဲ တွေ့လို့ ဘာသာအကြောင်း၊ တရားအကြောင်းအနည်းငယ်ဖြစ်ဖြစ် ဆွေးနွေးမလားလို့ ဒီကို ရောက်လာတာပါ”

“တပည့်တော် တည့်တည့်ပဲ မေးချင်ပါတယ်။ ခရစ်ယာန်ဘာသာနဲ့ ဗုဒ္ဓဘာသာ ဘယ်ဘာသာက ကောင်းသလဲ”။
“အဲဒါ ငါ့ကို လာမမေးနဲ့ကွ”

“ဘာဖြစ်လို့လဲ”

“ပထမ ခရစ်ယာန်တစ်ယောက်ကို သွားမေး၊ ပြီးရင် ဗုဒ္ဓဘာသာတစ်ယောက်ကို သွားမေး၊ ဒါဆို အဖြေကို မင်းသိလိမ့်မယ်ကွ၊ ဒီထက်ပိုသိချင်ရင် ဟိန္ဒူတစ်ယောက်၊ မွတ်စလင်တစ်ယောက်၊ ဆစ်ခ်ဘာသာဝင်တစ်ယောက်၊ ကွန်ဖြူးရှပ်ဘာသာဝင်တစ်ယောက်၊ အဲဒါတွေပါ ဆက်မေးလိုက်၊ ဘယ်ဘာသာကောင်းလဲ သိလိမ့်မယ်”။

“အဲဒါတော့ တပည့်တော်လဲ သိတာပေါ့။ သူတို့ကတော့ သူတို့ဘာသာကောင်းကြောင်းပဲ ပြောမှာပေါ့။ အခု သိချင်တာက ဘယ်လိုပြောရမလဲ ဘယ်ဘက်မှ မလိုက်ဘဲ အဲဒီဘာသာတွေရဲ့ ကျင့်ဝတ်သိက္ခာပိုင်း၊ အကျိုးဖြစ်ထွန်းမှုပိုင်း၊ ခိုင်မာတဲ့ဘ၀ရပ်တည်ရေးအပိုင်း..စတဲ့ ရှုထောင့်တွေအရ ဘယ်သာသာက ကောင်းတယ်ဆိုတာကို ဘေးလူတစ်ယောက်အနေနဲ့ ဖြေပေးဖို့ပါ”

“အေး…မင်းပြောတာ လွယ်တယ်။ မင်းဟာ ဗုဒ္ဓဘာသာဖြစ်တယ်လို့ ခံယူလိုက်ရင် မင်းက ဗုဒ္ဓဘာသာဘက်ကို လိုက်လိုက်တာပဲကွ၊ ကျွန်တော်က ဗုဒ္ဓဘာသာပါ၊ ဒါပေမယ့် ဘာသာစွဲမရှိပါဘူးလို့ ပြောတာ အရူးကွ၊ မသိစိတ်က အဲဒီဘာသာဘက်မှာပဲရှိတယ်” သက်ပြင်းချရင်း ဆက်ပြောသည်။

“အေးးး…အဲဒါ ခက်တာပဲကွ၊ ငါက ဘေးလူမှ မဟုတ်ဘဲ၊ ဘေးလူအနေနဲ့လို့ စကားခံပြီး ငါပြောလိုက်ရင်လဲ သူက ဗုဒ္ဓဘာသာဖြစ်လို့ ပြောတယ်လို့ ပြောမှာပေါ့ကွ၊ ဒီမှာ ဒီမှာ ငါပြောလိုက်မယ် ငါ ငယ်ငယ်က မှတ်ခဲ့ဖူးတဲ့ စကားလေးရှိတယ်ကွ “Beauty is on the eyes of beholder” တဲ့ကွ၊ တစ်စုံတစ်ယောက်ဟာ တစ်စုံတစ်ရာကို စွဲလန်းပြီဆိုပါစို့။ အဲဒီစွဲလန်းစိတ် မကုန်ဆုံးသေးသရွေ့ အဲဒီတစ်စုံတစ်ရာဟာ သူ့အတွက် တန်ဖိုးပဲ၊ မင်းသွားမထိနဲ့၊ ပြဿနာတက်သွားမယ်။ သဘောပေါက်လားကွ၊ ဒါကြောင့်ပေါ့..…ဗုဒ္ဓဘာသာတစ်ယောက်က ခရစ်ယာန်ရဲ့ အားနည်းချက်ကို ပြောတော့မယ်ဆိုရင် “ကျုပ်က ဗုဒ္ဓဘာသာမို့လို့ ပြောတာ မဟုတ်ပါဘူး၊ သူတို့ကျမ်းစာက ဘာမှ လေးစားစရာ မရှိပါဘူးကွာ။ သူတို့ဘုရားကလည်း စစ်ဘီလူးကြီးပါ။ စစ်ဘီလူးဆိုတာမှ ကမ္ဘာမှာ ဘယ်တုန်းကမှ မရှိခဲ့ဖူးတဲ့ စစ်ဘီလူးကြီး။ သူတို့ကျမ်းဟောင်းကို သေချာဖတ်လေ၊ ရက်စက်ကြမ်းကြုတ်တဲ့စစ်ဘီလူးဆိုတာ ပေါ်လွင်လေပဲ။ မယုံရင် တကယ်ဖတ်ကြည့် မြို့ပေါင်းများစွာ၊ ရွာပေါင်းများစွာ၊ လူပေါင်းများစွာ၊ တိရစ္ဆာန်ပေါင်းများစွာကို သတ်ဖြတ်တာ။ ဒို့ဗုဒ္ဓဘာသာအရတော့ သတ်ဖြတ်ခြင်းမှာ ဘက်နှစ်ဘက်ဆိုတာ မရှိဘူး၊ သတ်ဖြတ်ခြင်းမှာ တစ်ခြားအမှတ်တံဆိပ်ဆိုတာ မရှိဘူး။ ဥပမာကွာ ထာဝရက သူ့စကားနားမထောင်သူ လူမျိုးတွေ အခြားဘုရားကိုးကွယ်သူတွေကို သတ်တယ်၊ လုယက်ခိုင်းတယ်၊ သုံ့ပန်းတွေအဖြစ် ဖမ်းခိုင်းတယ်၊ ကောင်းကင်က မီးကျီးမိုးတွေ၊ ပြာပူမိုးတွေ ရွာချစေတယ်၊ ဒါတွေဟာ ဒို့ဗုဒ္ဓဘာသာအလိုအရတော့ ဘယ်လိုမှ နားမလည်နိုင်စရာတွေပဲလေ…….”စသည် စသည် ပြောကြမှာပဲကွ”

ကဲ…ဟုတ်ပြီ…မင်းခရစ်ယာန်တစ်ယောက်ကို သွားမေးရင်လည်း “ကျွန်မက ခရစ်ယာန်မို့လို့ ပြောတာမဟုတ်ပါဘူး။ ဒီရုပ်တုကြီးတွေကို ရှိခိုးနေတာကို နားကိုမလည်ပါဘူး။ ပြီးတော့ သူတို့ဘုရားကလည်း ကယ်တင်ရှင်မဟုတ်ဘူးတဲ့၊ ကျွန်မတို့ဘုရားက အားလုံးကို ကယ်တယ်လေ”စသည် စသည် ပြောပါလိမ့်မယ်။ ဒါ အသေအချာပဲကွ၊ ကျန်တာတွေ ဆက်တွေးပေါ့ကွာ၊ တကယ်တော့ လူဆိုတာ ကိုယ့်ကိုယ်ကို ညာနေတဲ့သူတွေပါကွ”

“ဒါဆို ကိုယ်တော်ကရော ကိုယ့်ကိုယ်ကို ညာနေတာလား”

“ဒါလည်း မင်းအမြင်က မင်းအတွက် အမှန်တရားပေါ့၊ ဒီဘုန်းကြီး ကိုယ့်ကိုယ်ကို ညာနေတာပါလို့ ယူဆရင်ပဲဖြစ်ဖြစ်၊ သူက အမှန်တိုင်း မြင်နေတာပါလို့ ယူဆရင်ပဲဖြစ်ဖြစ် ဘာမှ ကိစ္စမရှိပါဘူး။ မင်းယူဆချက်က ယူဆချက်မျှသာဖြစ်ပြီး ငါ့အမြင်က ငါ့အမြင်ပဲ ဖြစ်နေမှာပဲလေ”

“ဒါနဲ့ ဗုဒ္ဓဘာသာဖြစ်ရတဲ့အတွက် ကျေနပ်လား”

“သိပ်ကျေနပ်တာပေါ့”

“ဘာဖြစ်လို့….”

“ဒါကတော့ ငါ့အမြင်၊ ငါ့ခံစားချက်နဲ့ ငါ့ကျေနပ်မှုပဲလေ။ ငါ့ခံစားချက်က ဘာသာခြားတွေအတွက်တော့ ရှုးမိုက်မှုတစ်ခု ဖြစ်နေမှာပဲလေ”

“ဘာဖြစ်လို့…..”

“ဘာဖြစ်လို့လဲဆိုတော့ အရာရာကို ထာဝရဘုရားက ဖန်ဆင်းပြုမူတယ်၊ ကောင်းတာလုပ်လုပ်၊ ဆိုးတာလုပ်လုပ် သေခါနီးမှာ ဗတ္တိဇံခံလိုက်ရင် ထာဝရကောင်းကင်ဘုံကို ရောက်တယ်၊ ကောင်းတာတွေ ဘယ်လောက်လုပ်လုပ် ထာဝရဘုရားကို လက်မခံရင် ထာဝရငရဲမှာ ခံစားရမယ်၊ ဒီလောက် လူပေါင်းများစွာ သတ်ဖြတ်နေတဲ့ဘုရားကို ၀တ်ပြုကိုးကွယ်တယ်၊ …..ဒါတွေက ငါ့အမြင်အရတော့ ရူးသွပ်မိုက်မဲမှုတွေပဲလေ”

“ခရစ်ယာန်ကျမ်းစာတွေကို သေချာဖတ်ဖူးလား”

“အင်း”

“ဗုဒ္ဓဘာသာကျမ်းစာတွေနဲ့ နှိုင်းယှဉ်ချိန်ထိုးကြည့်ဖူးလား”

“စာဖတ်တယ်ဆိုတာ ချိန်ထိုးနှိုင်းယှဉ်ကြည့်တတ်အောင်လို့ မဟုတ်ဘူးလား”

“ကိုယ်တော်က ဖြေလိုက်ရင် တစ်မျိုးကြီးတွေချည်းပဲ။ တိုက်ရိုက်ဘာဖြစ်လို့ မဖြေရတာလဲ”

“တိုက်ရိုက်ဖြေရင် ငါ့အဖြေဖြစ်သွားမယ်၊ မင်းကိုယ်တိုင်စဉ်းစားပြီး မင်းဖြေရင် မင်းအဖြေပဲဖြစ်မယ်လေ။ လူတစ်ယောက်ဟာ သူများအဖြေတွေထက် ကိုယ့်အဖြေတွေကသာ ဘ၀ကို ပြောင်းလဲစေတတ်တာမဟုတ်လား။ ဗုဒ္ဓဘာသာဆိုတာကိုက ကိုယ့်နှလုံးသား၊ ကိုယ့်ခံစားချက်၊ ကိုယ့်ရွေးချယ်မှု၊ ကိုယ့်အကျိုးရလဒ်တွေကို တာဝန်ယူခိုင်းတာပဲလေ”

ညနေစောင်းတော့ ပုစဉ်းရင်ကွဲအသံတွေက ဆူညံစွာ ပေါ်ထွက်လာခဲ့လေသည်။ လူငယ်တစ်ယောက် အလာတုန်းက တည်ငြိမ်မှုမျိုးထက် များစွာသာလွန်သော တည်ငြိမ်မှုမျိုးဖြင့် ဖြည်းညှင်းစွာ လမ်းလျှောက်လာနေခဲ့သည်။ အမေမွေးတုန်းကတည်းက ဗုဒ္ဓဘာသာ၊ အရွယ်ရောက်တော့ ဖာသိဖာသာ ဗုဒ္ဓဘာသာ၊ ဗုဒ္ဓဘာသာကို အားမရလို့ ခရစ်ယာန်တစ်ယောက်လို နေလာခဲ့။ အတည်တကျ ခရစ်ယာန်ဖြစ်ဖို့ လွန်ခဲ့တဲ့ လေးငါးရက်က ဆုံးဖြတ်ခဲ့လေသည်။ ဒီစကားဝိုင်းလေးမဖြစ်ခင်အချိန်အထိ

“ဘာသာပြောင်းတော့မယ်”လို့ ဆုံးဖြတ်ပြီးဖြစ်နေခဲ့သည်။ တောကျောင်းကိုယ်တော်က ဘယ်ဘာသာက ကောင်းတယ်လို့ မပြော၊ သူ့ဘာသာကို ၀င်ပါလို့လည်း မဆွယ်၊ မင်း ဘယ်ဘာသာကနေ ဘယ်ဘာသာကို ပြောင်းမှာလဲလို့တောင် မမေးခဲ့။

လမ်းလျှောက်ရင်း၊ လမ်းလျှောက်ရင်းဖြင့် ကိုယ့်ခြေထောက်ပေါ်မှာ ကိုယ်ရပ်နေတာကို နက်နက်နဲနဲ ခံစားမိလိုက်သည်။ နှလုံးသားတွင် အတ္တာဟိ အတ္တနော နာထော ၀ါဒက နေရာအပြည့်ယူလိုက်သည်ကို ကြည်ဖြူစွာ လက်ခံမိလိုက်ကြောင်း ကြည့်နူးသိဖြင့် ပီတိတွေ ဖြာနေမိခဲ့သည်။