ယခင်အဆက်.....
(၃)
မဟာဝိဇိတမင်းနှင့် တိုင်းပြည်ငြိမ်းချမ်းရေး
ပုဏ္ဏား ရှေး၌ ဖြစ်ဖူးသည်ကား မဟာဝိဇိတ မည်သောမင်းသည် ရှိ၏၊ (ထိုမင်းသည်) ကြွယ်ဝ၏၊ များသော ဥစ္စာစပါးရှိ၏၊ ပြည့်သောဘဏ္ဍာတိုက် ကျီကြရှိ၏။ မဟာဝိဇိတမင်းသည် တစ်ယောက်တည်း တွေးနေမိ၏ - ''ငါသည် ပြန့်ပြောသော လူ့စည်းစိမ်တို့ကို ရလျက်ရှိ၏၊ ကျယ်ပြန့်သော မြေအဝန်းကို အုပ်စိုး၍နေ၏၊ ငါသည် ယဇ်ကြီးကို ပူဇော်ရမူ ကောင်းလေစွ၊ ယင်းသို့ ပူဇော်ခြင်းသည် ကြာမြင့်စွာသောကာလပတ်လုံး ငါ၏ စီးပွားချမ်းသာ အလို့ငှါ ဖြစ်ရာ၏''ဟု အကြံဖြစ်၏။
မဟာဝိဇိတမင်းသည် ပုရောဟိတ်ပုဏ္ဏားကို ခေါ်၍ သူ့စိတ်ကူးကို ပြောပြ၏။ လိုအပ်သောအကြံဉာဏ်များပေးရန်လည်း တောင်းပန်၏။ ''အသျှင်မင်း၏ နိုင်ငံ၌ ဆူးငြောင့်ဟူသော ခိုးသူရှိ၏၊ (ခိုးသူ) နှိပ်စက်ခြင်းရှိ၏၊ ရွာကို ဖျက်ဆီးခြင်းတို့သည်လည်း ထင်ရှားကုန်၏၊ နိဂုံးကို ဖျက်ဆီးခြင်းတို့သည်လည်း ထင်ရှားကုန်၏၊ မြို့ကို ဖျက်ဆီးခြင်းတို့သည်လည်း ထင်ရှားကုန်၏၊ ခရီးသွားတို့ကို လုယက်ခြင်းတို့သည်လည်း ဖြစ်ပေါ်ကုန်၏။ ဤအခြေအနေဖြစ်နေသောနိုင်ငံ၌ အခွန် အတုပ်ကိုကောက်ယူနေလျှင် မပြုသင့်သည်ကို ပြုသည် ဖြစ်ရာ၏၊
(ဤအရာ၌) အသျှင်မင်းအား ဤသို့ အကြံသည် ဖြစ်သော်လည်း ဖြစ်ရာ၏၊ ' ငါသည် ဤခိုးသူဆူးငြောင့်ကို သတ်ဖြတ်ခြင်းဖြင့်လည်းကောင်း၊ နှောင်ဖွဲ့ခြင်းဖြင့်လည်းကောင်း၊ (ဒဏ်တပ်၍ ဥစ္စာ) ဆုံးရှုံးစေခြင်းဖြင့်လည်းကောင်း၊ ကဲ့ရဲ့ရှုတ်ချခြင်းဖြင့်လည်းကောင်း၊ (တိုင်းပြည်မှ) နှင်ထုတ်ခြင်းဖြင့်လည်းကောင်း ဖယ်ရှားအံ့'ဟု ဖြစ်သော်လည်း ဖြစ်ရာ၏၊
(သို့ရာတွင်) ဤနည်းဖြင့် ဤခိုးသူဆူးငြောင့်ကို အကြွင်းမဲ့ ဖယ်ရှားခြင်း မဖြစ်နိုင်ပါ၊ သတ်ဖြတ်ညှဉ်းဆဲ ခံရသည်မှ ကြွင်းကျန်သောခိုးသူတို့သည် နောက်အခါ၌ မင်း၏ နိုင်ငံကို ဖျက်ဆီး၊ ညှဉ်းဆဲကုန်လတ္တံ့၊ စင်စစ်မူကား ဤ (ဆိုလတ္တံ့သော) အစီအရင်ကို စွဲမှီ၍ အောက်ပါနည်းဖြင့်သာလျှင် ယင်းခိုးသူ ဆူးငြောင့်ကို အကြွင်းမဲ့ ဖယ်ရှားခြင်း ဖြစ်နိုင်ပါ၏၊
တိုင်းပြည်အေးချမ်းစေနည်း
အသျှင်မင်း၏ နိုင်ငံ၌ လယ်ယာလုပ်မှု နွားမွေးမှုတို့ကို့အားထုတ်ကုန်သော သူတို့အား အသျှင်မင်းသည် မျိုးရိက္ခာကို ထောက်ပံ့ပေးကမ်းပါလော့၊ အသျှင်မင်း၏ နိုင်ငံ၌ ကုန်သွယ်မှုကို အားထုတ်ကုန်သော သူတို့အား အသျှင်မင်းသည် အရင်းအနှီးကိုထောက်ပံ့ပေးကမ်းပါလော့၊ အသျှင်မင်း၏ နိုင်ငံ၌ မင်းမှုထမ်းအလုပ်တို့ကို အားထုတ်ကုန်သော သူတို့အား အသျှင်မင်းသည် လခရိက္ခာကို စီမံပေးပါလော့၊
(ဤသို့ ပြုသည်ရှိသော်) ထိုနိုင်ငံသူ နိုင်ငံသားတို့သည်လည်း မိမိတို့ အလုပ်အကိုင်၌ အားထုတ်နေကုန်သည် ဖြစ်၍ အသျှင်မင်း၏ နိုင်ငံကိုမညှဉ်းဆဲကုန်လတ္တံ့၊ အသျှင်မင်းအား များပြားသော (ဥစ္စာစပါး) အစုသည်လည်း ဖြစ်လတ္တံ့၊ နိုင်ငံ၌ငြိမ်းချမ်းခြင်းရှိသည် ဖြစ်၍ (ခိုးသူ) ဆူးငြောင့် မရှိသည် ဖြစ်၍ (ခိုးသူ) နှိပ်စက်ခြင်း မရှိသည်ဖြစ်၍နိုင်ငံသူ နိုင်ငံသားတို့သည်လည်း (အချင်းချင်း) နှစ်လိုဝမ်းမြောက်ကုန်လျက် သားသမီးတို့ကို ရင်ခွင်၌ကစေကုန်လျက် အိမ်တို့ကို မပိတ်ကုန်ဘဲလျက် နေကြရသကဲ့သို့ ဖြစ်ကုန်လတ္တံ့''ဟု လျှောက်၏။
ပုဏ္ဏားက ထိုကဲ့သို့ လျှောက်သောအခါ မဟာဝိဇိတမင်းသည် ''အချင်း ကောင်းပါပြီ''ဟု ဝန်ခံပြီးလျှင် မိမိ၏နိုင်ငံ၌ လယ်ယာလုပ်မှု နွားမွေးမှုတို့ကို အားထုတ်ကုန်သော သူတို့အား မျိုးရိက္ခာကို ထောက်ပံ့ပေးကမ်း၏၊ ကုန်သွယ်မှုကို အားထုတ်ကုန်သော သူတို့အား အရင်းအနှီးကို ထောက်ပံ့ ပေးကမ်း၏၊ မင်းမှုထမ်းအလုပ်တို့ကို အားထုတ်ကုန်သော သူတို့အား လခရိက္ခာကို စီမံပေး၏၊ (ဤသို့ ပြုသဖြင့်) ထိုနိုင်ငံသူ နိုင်ငံသားတို့သည်လည်း မိမိတို့ အလုပ်အကိုင်၌ အားထုတ်နေကုန်သည်ဖြစ်၍ မင်း၏ နိုင်ငံကို မညှဉ်းဆဲကုန်၊ မင်းအား များပြားသော (ဥစ္စာစပါး) အစုသည်လည်း ဖြစ်၏၊ နိုင်ငံ၌ ငြိမ်းချမ်းခြင်းရှိသည်ဖြစ်၍ (ခိုးသူ) ဆူးငြောင့် မရှိသည်ဖြစ်၍ (ခိုးသူ) နှိပ်စက်ခြင်း မရှိသည်ဖြစ်၍ နိုင်ငံသူနိုင်ငံသားတို့သည်လည်း (အချင်းချင်း) နှစ်လို ဝမ်းမြောက်ကုန်လျက် သားသမီးတို့ကို ရင်ခွင်၌ ကစေကုန်လျက်အိမ်တို့ကို မပိတ်ကုန်ဘဲလျက် နေကြရသကဲ့သို့ ဖြစ်လေကုန်၏။
တိုင်းသူပြည်သားတို့၏ အလိုဆန္ဒကို ဖြည့်ဆီးပေးခြင်းအားဖြင့် လူထုမေတ္တာကို ရရှိခြင်း၊ နိုင်ငံအတွင်း စည်းလုံးညီညွတ်မှုအားကောင်းလာခြင်း၊ တိုင်းပြည်စီးပွားရေးတိုးတက်လာခြင်းတို့ကို မျက်ဝါးထင်ထင် တွေ့မြင်လာရ၏။ ထိုသို့ တိုင်းပြည်စီးပွားရေးကောင်းမွန်မှသာလျှင် ယခင် စိတ်ကူးထားခဲ့သော အလှူကြီးပေးလှူဖို့ကိစ္စကို ဆက်လက်ပြောကြားလေသည်။
ဤနေရာတွင် စဉ်းစားစရာရှိပါသည်။ `အလှူဒါနလုပ်တာပဲ လုပ်ပေါ့၊ ဘာကို ဂရုစိုက်စရာလိုသလဲ´။ `ကောင်းတာလုပ်တာ ဘယ်သူ့ဂရုစိုက်စရာလိုသလဲ´။ `ကောင်းတဲ့ဟာလုပ်တာပဲ လုပ်´ဟု မညွှန်ကြားခဲ့ပေ။ တိုင်းပြည်က ဆင်းရဲတွင်းနက်နေလျှင်၊ ပြည်သူပြည်သားများက ထမင်းတစ်လုတ်အတွက် မနည်းရုန်းကန်နေရသည့်အချိန်ဖြစ်နေလျှင်၊ တိုင်းပြည်အုပ်ချုပ်သူကို ပြည်သူတို့ သဘောမကျဖြစ်နေလျှင်၊ တိုင်းပြည်စီးပွားရေးမကောင်း၊ စားဝတ်နေရေးမပြေလည်၍ အုပ်ချုပ်သူတို့ကို ပုန်ကန်ခြားနားနေလျှင်၊ ပုန်ကန်ခြားနားသူများ၍ တိုင်းပြည်မငြိမ်မသက်ဖြစ်နေလျှင် ဤမျှကြီးကျယ်ခမ်းနားသော အလှူကြီးကို မပြုသင့်ဟု ပုရောဟိတ်ပုဏ္ဏားက တင်ပြသည်။
မှတ်သားစရာ ဖြစ်ပါသည်။ တိုင်းပြည်က ဆင်းရဲအ၀ီစိနက်နေချိန်တွင် ငွေကြေးမြောက်များစွာ အကုန်အကျခံပြီး စေတီကြီးများတည်ခြင်း၊ မတန်မရာ နေပြည်တော်တည်ခြင်း စသည်..စသည့်အဖြစ်အပျက်တို့ကို ပုရောဟိတ်ပုဏ္ဏားညွှန်ကြားချက်နှင့် ချိန်ထိုးစဉ်းစားကြဖို့ ဖြစ်ပါသည်။ မဟာဝိဇိတမင်း၏ ပညာရှိစကား နားထောင်မှုကြောင့် တိုင်းပြည်ငြိမ်းချမ်းခဲ့လေသည်။ စီးပွားရေးလည်း တိုးတက်ခဲ့သည်။
မဟာဝိဇိတမင်းသည် ပုရောဟိတ်ပုဏ္ဏားကို ခေါ်၍ ဤစကားကို မိန့်ဆို၏ - ''အချင်း သင်၏ အစီအရင်ကြောင့် နိုင်ငံ၌ ဥစ္စာဆန်ရေစပါး ပေါများကြွယ်ဝလာ၏။ ငြိမ်းချမ်းခြင်းရှိသည် ဖြစ်၍ (ခိုးသူ) ဆူးငြောင့် မရှိသည် ဖြစ်၍ (ခိုးသူ) နှိပ်စက်ခြင်း မရှိသည် ဖြစ်၍ နိုင်ငံသူ နိုင်ငံသားတို့သည်လည်း (အချင်းချင်း) နှစ်လိုဝမ်းမြောက်ကုန်လျက် သားသမီးတို့ကို ရင်ခွင်၌ ကစေကုန်လျက် အိမ်တို့ကိုမပိတ်ကုန်ဘဲလျက် နေကြရသကဲ့သို့ ဖြစ်ကုန်၏၊ ပုဏ္ဏား ငါသည် ယဇ်ကြီး ပူဇော်ရန် အလိုရှိ၏၊ ယင်း (ယဇ်ပူဇော်ခြင်း) သည် ကြာမြင့်စွာသော ကာလပတ်လုံး ငါ၏ စီးပွားချမ်းသာအလို့ငှါ ဖြစ်ရာ၏၊ အသျှင်သည် ငါ့ကို ဆုံးမ (ညွှန်ကြား) ပါလော့''ဟု မိန့်ဆို၏။
ဤနေရာတွင် အလွန်မှတ်သားဖွယ်ရာ ရှိပါသည်။ အကြံပေးပုရောဟိတ်ပုဏ္ဏား ဉာဏ်အမြော်အမြင်နှင့်ပြည့်စုံခြင်း၊ မဟာဝိဇိတမင်း၏ ပညာရှိစကား နားထောင်တတ်ခြင်းတို့မှာ လေးစားဖွယ်ရာ ဖြစ်ပါသည်။ မဟာဝိဇိတမင်းသည် တိုင်းပြည်တွင်း ဆူပူသောင်းကျန်းပြီး အုပ်ချုပ်သူကို သဘောမကျဖြစ်နေသည်ကို သိရှိခဲ့သည်။ သူ့ကို သဘောမကျသော တိုင်းသူပြည်သားများကို ရန်သူဟု သတ်မှတ်ပြီး နှိမ်နင်းမှု မပြုခဲ့။ `တိုင်းသူပြည်သားများအလိုသို့ လိုက်ရခြင်း´ဟူသော မင်းကျင့်တရားနှင့်အညီ ပြည်သူတို့ ဆန္ဒကို ဖြည့်ဆီးပေးခဲ့၏။ ပြည်သူ့ဆန္ဒကို ဖြည့်ဆီးပေးခြင်းဖြင့် ပြည်သူ့အချစ်ကို ရယူခဲ့သည်။ ဤသည်မှာ ဓမ္မနည်းလမ်းကျသည်။ `ငါ့မှာ အာဏာရှိတယ်၊ ငါ လုပ်ချင်ရာလုပ်မယ်´ဟု အာဏာဖြင့် တိုင်းသူပြည်သားများကို အနိုင်မကျင့်ခဲ့။
ထို့အပြင် ပညာရှိစကား အလေးထားပုံမှာလည်း လေးစားဖွယ်ရာ ဖြစ်ပါသည်။ ပုရောဟိတ်ပုဏ္ဏား၏ လမ်းညွှန်ချက်နှင့်အညီ လုပ်ဆောင်သောကြောင့် တိုင်းပြည်ငြိမ်းချမ်းတိုးတက်ခဲ့ရသည်။ ထိုသို့ တိုးတက်ခဲ့သောအခါ `အခု တိုင်းပြည်တိုးတက်သာယာပြီ၊ အလှူဒါနလုပ်ချင်တယ်၊ ဆုံးမညွှန်ကြားပါ´ဟု ပညာရှိတို့ထံ ဆည်းကပ်ပြီး တိုင်ပင်၏။
(၄)
ပူဇော်သူ၏ လေးပါးသော အင်္ဂါ
အရှင်မင်း၏ နိုင်ငံ၌ နိဂုံးဇနပုဒ်နေ အကြင် အရံမင်း(မြို့စား၊ နယ်စားမင်း)တို့သည်(၁) ရှိကုန်၏၊ ထို (အရံမင်း)တို့ကို ''အသျှင်တို့ ငါသည် ယဇ်ကြီးပူဇော်ရန် အလိုရှိ၏၊ ယင်း (ယဇ်ပူဇော်ခြင်း) သည် ကြာမြင့်စွာသောကာလပတ်လုံး ငါ၏ စီးပွားချမ်းသာအလို့ငှါ ဖြစ်ရာ၏၊ အသျှင်တို့သည် ငါ့အား (ယဇ်ပူဇော်ရန်) သဘောတူကြပါသလော''ဟု တိုင်ပင်တော်မူပါ။ ထို့အပြင် အမတ် မင်းမှုထမ်းများ(၂)၊ ပုဏ္ဏားသူကြွယ်များ(၃)၊ သူဌေးများ(၄)ကိုလည်း အရှင်၏ ယဇ်ကြီးပူဇော်မှုနှင့်ပတ်သတ်၍ တိုင်ပင်ညှိနှိုင်းပါဟု ညွှန်ကြား၏။ မဟာဝိဇိတမင်းသည် ပုဏ္ဏား ညွှန်ကြားသည့်အတိုင်း တိုင်ပင်ညှိနှိုင်းသည်။ အတိုင်အပင်ခံပုဂ္ဂိုလ်အားလုံးက ''အသျှင်မင်းသည် ယဇ်ပူဇော်တော်မူပါလော့၊ ယဇ်ပူဇော်ရန် သင့်သော အချိန်ပင်ဖြစ်ပါသည် မင်းကြီး''ဟု လျှောက်ကုန်၏။
မေးမြန်းသူက မေးမြန်းသောကြောင့် ပုရောဟိတ်ပုဏ္ဏားကလည်း ညွှန်ကြားရသည်။ တိုင်းပြည်တစ်ခုတွင် ယေဘုယျအားဖြင့် အုပ်ချုပ်သူနှင့် အုပ်ချုပ်ခံလူတန်းစားဟု လူတန်းစားနှစ်ရပ်ရှိသည်။ ရှေးယခင် ခေတ်ကာလများတွင်ကား ဘုရင်စနစ်၊ ဧကရာဇ်မင်းစနစ်ကျင့်သုံးကြသည်ဖြစ်၍ အုပ်ချုပ်သူက လုပ်ချင်တိုင်း လုပ်နိုင်၏။ အုပ်ချုပ်သူ ဖြစ်ချင်သည့်အရာကို စီမံနိုင်၏။ အုပ်ချုပ်သူက `ဒါ လုပ်´ဆိုလျှင် လုပ်ရ၏။ စောဒကတက်ခွင့်မရှိ။ အုပ်ချုပ်သူက `သတ်စေ´ဟုဆိုလျှင် သေဖို့သာရှိပါသည်။ နောက်ပိုင်းခေတ်များတွင်ကား လူသား၏အသိဉာဏ်အမြင်များ တိုးတက်လာသည့်အလျောက် ခေတ်စနစ်များမှာလည်း တိုးတက်လာခဲ့သည်။ အုပ်ချုပ်သူက စိတ်ကြိုက်လုပ်ဆောင်ခွင့်မရ၊ စုပေါင်းတိုင်ပင်ညှိနှိုင်းပြီး လုပ်ဆောင်ရသောဓလေ့များ ၀င်ရောက်လာသည်။
လူတို့၏ အသိဉာဏ်ပညာအရ စည်းမျဉ်းအသစ်များ တိုးတက်ဖြစ်ထွန်းလာရသည်။ ဥပဒေများ သတ်မှတ်ပြဓာန်းလာကြသည်။ ယခင်က အမိန့်သည် အုပ်ချုပ်သူ၏ လက်ထဲတွင် ရှိသော်လည်း ယခုကား ထိုသို့မဟုတ်၊ အမိန့်အာဏာသည် ဥပဒေဟူသော စည်းမျဉ်းများအတိုင်းသာ ဖြစ်လာခဲ့သည်။ နေရာဒေသနှင့် ယဉ်ကျေးမှုအလိုက် ထားရှိသောစံနှုန်းများအရ အမျိုးမျိုး ကွဲပြားနိုင်သော်လည်း လူက အဓိက မဟုတ်တော့ဘဲ မူကအဓိကဖြစ်လာခဲ့သည်။ အုပ်ချုပ်သူနှင့် အုပ်ချုပ်ခံလူတန်းစားတို့မှာ အချင်းချင်း အမှီသဟဲ ပြုလာရသည်။ အုပ်ချုပ်သူဟူသည်မှာ အုပ်ချုပ်ခံလူတန်းစားတို့၏ တာဝန်ကို ထမ်းဆောင်ရန် ယုံကြည်ခန့်အပ်ခံရသော နိုင်ငံဝန်ထမ်းအသွင်သို့ ရောက်လာခဲ့သည်။
ပုရောဟိတ်ပုဏ္ဏား၏ လမ်းညွှန်ချက် သို့မဟုတ် အကြံပေးချက်မှာ အုပ်ချုပ်သူက ငါတကော ကောနိုင်သော သူ့ခေတ်အခါနှင့် နှိုင်းယှဉ်ကြည့်လျှင် အလွန်အံ့သြဖွယ်ကောင်းသော အကြံပေးချက်ဖြစ်သည်ဟု ဆိုရပေလိမ့်မည်။ အဘယ့်ကြောင့်ဆိုသော် အလှူဒါနအကြီးအကျယ်ပြုလုပ်ဖို့ရန်အတွက် အထက်ပါ လက်အောက်ငယ်သားများ၊ သူဌေးသူကြွယ်များကို တိုင်ပင်ပြီးမှ ပြုလုပ်ပါဟု ဆိုခြင်းကြောင့် ဖြစ်ပါသည်။
ဆက်လက်ဖော်ပြပါမည်....
No comments:
Post a Comment